Media

Andrew YUNG

「動學人生義工隊」成立於2010年，義工人數超過250位。我們的服務對象包括：有特殊學習需要的人士、師友計劃的同學。我們亦參與環境保育以及關心被遺棄動物的行動。我們同時為弱勢社群提供平台，讓他們發揮夢想。歡迎大家加入我們的義工隊。

今日係《關義工》呢到有成個義工團隊，不過就唔係全部人嚟哂嘅，全部人嚟哂嘅話就會逼爆個直播室，因為佢地個義工團隊有好多人。今日就淨係佢地嘅負責人嚟咗！介紹下佢先，呢個義工團隊邊個牽頭帶領嘅呢？就係呢位朋友Andrew啦！你好，可唔可以介紹下你個義工團隊叫咩名先？

朱薰

Andrew YUNG

我地嘅義工隊叫「動學人生義工隊」。我之前嘅諗法係希望透過一啲活動，俾我地嘅義工同會員互相學習一啲人生價值觀。

你地嘅義工團隊唔至付出勞力，平時我地話去做義工可能係要郁動下，帶一啲人做一活動，但係你成立呢個義工隊嘅時候已經有啲諗法，唔止係付出勞力，仲要學啲嘢嘅。

朱薰

Andrew YUNG

無錯呀！我覺得透過唔同嘅活動，雙方都有學習機會。

無錯，越接觸得多就越有呢個感覺，做義工並唔係單方面付出，義工自己都有嘢袋落袋，可以帶走。

朱薰

Andrew YUNG

絕對係！比起金錢上的滿足，個種喜悅，見到受惠者的表情同眼神，更加無法取代！呢個係我地嘅動力，更加推動我地去做呢件事。

我要問番轉頭啦！點解Andrew會無端端成立動學人生義工隊？自己喜歡做義工，咁咪自己去做囉，點解你會想自己帶一隊人，搞義工隊，而唔係揀自己想做嘅義工就去做呢？呢件事幾時開始？

朱薰

Andrew YUNG

其實我本身都有做一啲義工服務，不過就係單次性，可能係清潔運動，探訪老人院。2008年機緣巧合下認識咗《兒童發展基金》，入面有個《師友計劃》，我地覺得佢幾有趣，係三年嘅計劃。係同一班青少年、新一代接觸，幾有趣。

Andrew唔好扮老呀！其實佢都仲好後生！

朱薰

Andrew YUNG

多謝你先！其實做義工令個人都開朗咗！其實我可以暗地裏同朱薰講其實我地同年！

同我同年？好後生姐！

朱薰

Andrew YUNG

講返個「師友計劃」，三年期係計劃嘅吸引之處，我覺得個效能係會好大！

吸引呀？有啲人見到三年可能會卻步！做義工一日Okay，一個週未Okay，但三年呀……好難架啵！

朱薰

Andrew YUNG

好幸運，當時東華三院嘅社工講得好好，令我開始試下去接觸長期嘅服務。服務之後，我地可以睇到服務對象嘅大進步改變，覺得好有意義！

呢個計劃係一個義工負責對一個小朋友，為期三年，要定時見面，同佢傾下佢有咩目標同夢想，點樣可以係三年入面達成，睇下佢拎到拎到基金去做呢件事。咁你又做咗幾多個三年呢？

朱薰

Andrew YUNG

其實我毎屆都有做，來緊第六屆都會繼續去支持呢個計劃。2017年2月就會有第六次三年。我地都有少少經驗可以同其他師友去分享。當中都有啲困難，例如點樣同同學打開話題，揾到共同興趣。因為毎個年代嘅同學都有唔同情況。初初第一屆2008嘅同學係唔鍾意影相，影相嘅時候會遮面。到依家嘅同學全部唔怕影相！

「Selfie! ……Post咗相未？」

朱薰

Andrew YUNG

一影相就擺動作！唔同generation都有好大變化！

個三年又三年唔係斷開，係重疊，唔係Andrew就六十歲。聽你講呢個計劃係可以個人參與，咁點解你會想多啲人，組一隊義工？

朱薰

Andrew YUNG

其實呢個計劃定咗做三年，我地都有好多義工想先個人參與，有多啲經驗同其他人share，又可以係我地Facebook Share下。三年計劃的活動多姿多彩，中心安排好多interesting嘅活動比青少年。

係咩活動咁吸引，令到青少年就算同唔識嘅人都會想去

朱薰

Andrew YUNG

呢家嘅青少年鍾意去Party Room玩，係工廈個啲，可以煮野食玩card game。再之前嘅鍾意活動啲嘅：泡泡足球、射箭

果然係捉到哂啲trend!

朱薰

Andrew YUNG

我地都要不斷去變去catch up。再之前去玩黑暗中對話、乘風航，一齊去跳海呀咁。

咁原來你就有一班friend，大家都係做義工嘅。

朱薰

Andrew YUNG

係，好坦白，三年入面都會有啲人生改變 有啲義工可能會轉工、結婚、生小朋友，所以有啲義工一聽到「三年期」就會有啲卻步。我地就用我地嘅方法－「參與」， 同義工分享經驗，等佢地知道其實有好野係有彈性，因為自己可以編排自己嘅時間，正如我地嘅例子，我地都重疊咁就join一啲計劃。自己管理好自己嘅時間表，真係可以同步進行好多嘢！

咦！你唔單只係教佢地做義工，佢地唔只從服務對象個到得到啲嘢！係你個到又得到的嘢，教到佢地time management，管理好自己嘅時間，自然就有時間嚟做義工啦！

朱薰

Andrew YUNG

身邊嘅義工朋友開始知道原來存在咁大彈性，係個規則入面就係三年啦，每個月最少同一個學生接觸，如果個一個月好忙，未能出席一啲活動，原來又可以同學生用電話接觸，用whatsapp或打個電話去問候關心吓學生都可以fulfill到成個計劃。不過如果義工想同學生關係更好，見面、一齊做活動會更加理想，因為服務對象都會想了解你多啲！

咁於是你就組咗呢班人一齊啦！你本身係得幾個人開始，係咪呀？

朱薰

Andrew YUNG

本身我只係同我另一個partner開始，之後就先招募義工，睇吓邊啲義工係適合，因為有啲義工未必喜歡做呢類型服務，因為義工服務好多元化，動物、環境、小朋友、老人家、特殊人士等唔同範疇，所以我哋都會問下啲義工有冇興趣做「師友計劃」，要好玩得，要啱佢地學生channel。因為有啲義工鍾意靜啲嘅，或者鍾意對老人家嘅，咁我地就可以聯繫唔同嘅機構，去提供唔同服務。

哦！即係你會一路拓展唔同嘅義工服務！

朱薰

Andrew YUNG

都會！因為做義工可以得到好大快樂，可以忘卻平時工作上嘅壓力，有啲滿足感語言唔可以表達，只有自己可以親身感受到，令你覺得人生好精彩！

咁你依家召集到幾多志同道合嘅義工？

朱薰

Andrew YUNG

去年由兩、三位，變到二十位，個二十位號召力好強嘅義工，係去年「特殊馬拉松」就幫我地召集到150位，咁上年年頭我地幫「東華三院」嘅「特殊馬拉松」亦有177位義工。我地依家嘅註冊義工就大約有250位。

增長都唔錯！我都相信Andrew對呢樣嘢好落力，覺得自己做義工得著好大，佢甚至可以暫時唔做自己本身嘅工作，全身去投入義工隊。到底有啲咩咁吸引，有啲咩咁困身，令佢可以唔做自己嘅工作全程投入義工隊？

朱薰